Одредени возови во Франција и денеска не сообраќаат редовно, ден по „масовниот и добро подготвен“ напад врз мрежата на брзите возови, извршен неколку часа пред церемонијата на отворање на Олимписките игри во Париз.
Состојбата се подобрува, но железничкиот сообраќај и денеска е нарушен, со доцнење на возовите од најмалку еден час. Француската железница соопшти дека ќе биде обезбеден превоз за олимписките спортисти и нивниот персонал.
Неколку пожари избувнаа ноќта меѓу четвртокот и петокот на мрежата на француската железница. Пресечени и запалени беа некои кабли, а запалени беа и сигнални кутии.
Извор: 24vesti.mk
