реклама
По многу барања кои беа изразени и преку протести, конечно во општина Чашка, во ОУ „Тодор Јанев“ се отвори паралелка на албански јазик, каде шест ученици ќе следат настава на мајчин јазик. Информацијата за ТВ21 ја соопшти министерот за образование, Јетон Шаќири, кој исто така истакна дека прв наставник ќе биде Бесмир Џафери, на кого му посакал успех.
„Новата директорка поднела барање до Министерството за образование, за истото барање се обезбедени финансии и од Министерството за финансии и ангажиран е наставник кој прифатил претходната недела шест деца кои ќе учат на албанскиот јазик во ОУ „Тодор Јанев“ во општина Чашка“, вели Јетон Шаќири.
реклама
Освен во Чашка, министерот Шаќири ветува дека наскоро паралелки по албански јазик ќе бидат отворени и во Идризово. Тоа е затоа што добил допис за позитивно мислење од градоначалникот на општина Гази Баба.
„По позитивното барање, мора да го добиеме и друго барање од училиштето, конкретно од Његош до МОН, за да се обезбедат средства за нови наставници, бидејќи не се работи за еден наставник туку за неколку, кои мора да се вклучат во образовниот процес“, додаде Јетон Шаќири.
реклама
Шаќири во иднина очекува ситуации на отпор и протести против отворањето на паралелата во Чашка, бидејќи многу родители Македонци се против учењето на албански јазик. Тој ги повика да се обратат во Министерството за образование.
реклама
