Економски пресврт најавува партијата која освои најмногу гласови на изборите на 8 мај. Од ВМРО-ДПМНЕ велат дека нема да се зголемат даноците за граѓаните, ниту пак јавниот долг.Претседателот на партијата Мицкоски рече дека рамниот данок ќе продолжи да се спроведува, ќе продолжи борбата против сивата економија а ќе се укине фондот за иновации. Економската програма се базира на инвестиции, а не на јавни трошоци. Процесот ќе се одвива паралелно со инвестициите и продуктивноста на работа, за да се следи зголемувањето на платите.
„Данокот на основните прехранбени производи од 10% може да се намали на 8%. Данокот за странските компании кои инвестираат повеќе од 50 милиони евра во земјава може да се намали на 5% за нив. Во септември и март ќе има усогласување на пензиите, во тој случај ќе се постигне зголемување на пензиите од 5.000 денари. Во втората половина на јули се очекува да се случи ребалансот на буџетот. Во втората половина на септември ќе направиме финансиска децентрализација на распределбата во општините од околу 250 милиони евра, со оглед на тоа што годинава ќе се распределат само 125 милиони евра“, велат од ВМРО-ДПМНЕ.
Оваа форма на развој треба да донесе радикални реформи во економскиот развој, рече професорката Никица Мојсоска. Според неа, многу институции треба да се реконсолидираат за да се зајакне економскиот развој.
Согласно програмата на ВМРО-ДПМНЕ, враќањето на ДДВ ќе продолжи за граѓаните кои скенираат фискални сметки, а одредени бенефиции ќе бидат додадени за одредени социјални категории. За мајките со едно дете целиот персонален данок платен од последната година, ќе им се врати. На сметките на мајките кои имаат две деца персоналниот данок од последните две години ќе им биде вратен, а за мајките кои имаат три деца трето раѓање, персоналниот данок ќе им биде вратен секоја година додека тоа дете не наполни 18 години. Според пресметките, овие износи се еднакви на просечна плата, приближно од 30-40 илјади денари за една година./Алсат.мк
Аднан Ќаили
Извор: alsat.mk
