Загадувањето на воздухот во Скопје останува алармантна тема, која бара одговорност и преземање итни мерки од локалната власт во градот, предводена од ВМРО-ДПМНЕ, велат од СДСМ преку соопштение.
-Измина цела една година а локалната власт на ВМРО-ДПМНЕ во Скопје, заедно со нивната коалиција со Левица и Данела Арсовска не преземаа ништо за загадениот воздух.Хаосот во јавниот превоз дополнително влијае на зголемување на загаденоста. Згора на се, додека скопјани дишат енормно загаден воздух, локалната власт на ВМРО-ДПМНЕ ги намали средствата за заштита на животната средина за дури 44 %, обвинуваат социјалдемократите.
Од ВМРО-ДПМНЕ, со слични обвинувања, но во обратна насока.
-СДС да преземе мерки за намалување на загадувањето, а на тајните состаноци со Арсовска, Ковачевски да побара реакција и од градот. 7 години откако е СДС на власт, а ниту една мерка за намалување на загадувањето не е преземена. Од потрошени 20 милијарди преку буџетите, ниту едно евро не е инвестирано за почист воздух. СДС пред да дојде на власт имаше главно ветување дека ќе го намали загадувањето, 7 години подоцна воздухот е уште позагаден, порачаа денеска од ВМРО-ДПМНЕ преку соопштение.
ИЗВОР: skopjeinfo.mk
