Коалицијата ВЛЕН смета дека пописот на населението во 2021 година претставува предавство и една од најголемите институционални неправди што некогаш им е направена на Албанците во Северна Македонија.
„Ова не беше статистички процес, туку политички проект, осмислен за да ги избрише Албанците од статистиките и да ги исклучи од процесите на одлучување“, изјави Блерим Сејдиу.
Според него, со потписот на ДУИ и со техничката реализација од страна на СДСМ, Албанците биле поделени на „резиденти“ и „нерезиденти“, со цел да се исклучат илјадници Албанци од дијаспората од пописот. Укинувањето на оваа одлука од страна на Уставниот суд, Сејдиу го нарече победа на вистината.
Од ДУИ велат дека со длабока загриженост ја следат координираната кампања за дискредитација на последниот процес на пописот, процес кој, според нив, бил легален, транспарентен и целосно мониторирани од домашниот и меѓународниот фактор.
-Оваа кампања не е случајна. Таа е дел од поширок обид за ревизија на сите постигнувања од последната деценија, за организирање нов попис според нови политички агенди, со цел враќање на системската нееднаквост. Тоа е опасен обид за поткопување на темелите на соживот, за реализација на етноцентристички и aлбанофобски агенди и за рушење на кревките меѓуетнички односи, велат од ДУИ.
Интегративците предупредуваат дека секој политички, институционален или пропаганден актер што има за цел да го поткопа уставниот поредок, Мировниот договор, етничката еднаквост и соживотот, ќе сноси политичка, правна и морална одговорност.
За ова прашање реагираше и Алијансата за Албанците, повикувајќи на зрелост и политичка одговорност, бидејќи, како што велат, пописот не е прашање од минатото, туку темел врз кој се гради претставувањето на Албанците за децении напред. Секоја обид за поништување на оваа вистина, според АА, ќе се соочи со вистинските албански политички сили.
ИЗВОР: ТВ 21
