Вјоса Османи: На граѓаните да им се даде одреден рок пред целосното спроведување на одлуката за укинување на динарот

January 31, 2024
1 min read

Косовската претседателка Вјоса Османи денеска порача дека треба да им се даде одреден рок на граѓаните за да може без проблеми да се спроведе новата Регулатива на Централната банка на Косово која предвидува исфрлање на српскиот динар од употреба во Косово.

Од 1 февруари во Косово стапува во сила новата Регулатива на Централната банка за готовински трансакции, според која ќе се користи само еврото. Според новата регулатива, другите валути може да се користат како вредност само за складирање во физичка форма или на банкарски сметки, за извршување на меѓународни плаќања и за девизни активности.

Оваа уредба предизвика негативни реакции кај косовските Срби, кои примаат исплати од Република Србија во динари, додека меѓународните дипломати од САД и ЕУ ја повикаа Владата на Косово да ја преиспита оваа одлука.

Османи посочи дека според член 11 од Уставот на Косово еврото е единствената валута во таа земја.

– Во однос на примената на тие принципи во пракса, се разговара за низа опции со кои од една страна ќе се почитува членот 11 од Уставот, а од друга страна ќе се обезбеди одредено време за информирање на граѓаните и нивно префрлање на нови сметки за да може Регулативата да се имплементира без никакви проблеми и со целосна поддршка од сојузничките земји, рече Османи.

Претседателката на Косово го спореди прашањето за забраната на српскиот динар со ситуацијата околу укинувањето на старите српски регистарски таблички на северот на Косово, кога сојузниците побараа од Владата на Косово да ја одложи одлуката за одредено време.

„Како што можете да видите, денес речиси сите граѓани кои живеат на север ги префрлиле своите регистарски таблички на оние на Република Косово. Би рекла дека ова е сличен проблем, бидејќи прашањето за табличките беше и прашање на одбрана на суверенитетот и уставноста“, истакна Османи.

Специјалниот претставник Мирослав Лајчак вчера во Приштина по средбата со премиерот Албин Курти најави дека денеска ќе има повеќе информации за прашањето за употребата на динарите.

Извор: 24vesti.mk

MARKETING

MARKETING

Претходно

Фидан: „Не можеме да молчиме додека два милиона луѓе во Газа се оставени да умрат“

Следно

Демант од Уставниот суд за тврдењата на Павле Трајанов: Судот не го отфрлил предметот за измените на КЗ, се води постапка

Latest from Blog

Најмалку 7 лица, од кои 5 се од исто семејство, се убиени во израелски напади врз Газа

ГАЗА (АА) – Седум Палестинци, од кои петмина од исто семејство, се убиени во нападите на Израел врз Појасот Газа, известува Анадолу. Според информациите добиени од здравствени извори, мајката, таткото и нивните

Утре авионска дезинсекција против комарци во Скопје

Градот Скопје ги известува граѓаните дека на 11.05.2025 година (недела), во раните утрински часови ќе се изврши авионска дезинсекција на подрачјето на градот Скопје против комарци. Доколку временските услови не го дозволуваат вршењето на

Над 20 000 ученици дел од „Генералка викенд“

Над 20.000 ученици и повеќе од 1.000 наставници од основните и средните училишта се приклучија на националната еко-акција „Генералка викенд“, низ практични експерименти, часови и работилници посветени на заштита на животната средина

Заврши изборната кампања пред утрешните парламентарни избори во Албанија

Со повик за масовна поддршка и убеденост во победа на неделните парламентарни избори, со синоќешните масовни митинзи во Тирана, партиите ја заокружија едномесечната интензивна изборна кампања. Владејачката Социјалистичка партија на Еди Рама,

Денвер Нагетс во продолжение ја совлада Оклахома Сити Тандер и поведе со 2-1 во плејофот на НБА

ИСТАНБУЛ (АА) – Во полуфиналето на Западната конференција на НБА лигата, Денвер Нагетс на домашен терен ја совладаа Оклахома Сити Тандер со 113-104 во продолжението и поведе со 2-1 во серијата, известува
Go toTop