Попладне претседателот на Алијансата за Албанците Арбен Таравари закажа вонреден конгрес на партијата. Минатата недела крилото на Зијадин Села исто така закажа партиски конгрес во Скопје.
Минатата недела на централното собрание на Алијансата за Албанците со кое претседава Зијадин Села беше донесена одлука за одржување конгрес на партијата на 18 февруари во Скопје на кој ќе се разреши претседаталот на партијата Арбен Таравари.
Расколот во партијата настана кога Таравари објави дека Алијанса за Албанците на претстојните парламентарни избори ќе настапи заедно со опозицискиот блок на Албанците во Македонија, Беса, Алтернатива и Демократско движење.
Извор: 24vesti.mk
