(ВИДЕО) Во пукањето во училиште во Белград убиени осум деца и чуварот – насобраните родители не можат да дојдат до децата

На терен се десет возила на Брзата помош и полицијата. Таму се и министерката за здравство Даница Грујичиќ и министерот за образование Бранко Ружиќ. Голем број насобрани родители не можат да дојдат до децата. Како што јави репортерот Н1, областа околу местото на престрелката е блокирана

Осум ученици и чуварот загинаа во престрелката која утринава се случи во училиштето „Владислав Рибникар“ во Врачар, ги потврдиле сознанијата на порталот Н1 од српското Министерството за внатрешни работи.

Како што се наведува во соопштението на МВР, ранети се шест деца и еден наставник, кои во моментов се згрижени во Ургентниот центар.

Ученикот од ова училиште Коста Кецмановиќ (14), кој е осомничен дека го сторил ова кривично дело, бил пронајден и уапсен во училишниот двор, информираат од српското МВР.

Сите полициски сили сè уште се на терен и интензивно работат на расветлување на сите факти и околности кои довеле до оваа трагедија.

На терен се десет возила на Брзата помош и полицијата. Таму се и министерката за здравство Даница Грујичиќ и министерот за образование Бранко Ружиќ. Голем број насобрани родители не можат да дојдат до децата. Како што јави репортерот Н1, областа околу местото на престрелката е блокирана.

Полицијата се обидува да ги избрка родителите од местото на настанот. Родителите надвор од училиштето велат дека ништо официјално не им е кажано. Влегуваат во расправија со полицијата.

Полицијата го блокира влезот во улицата „Крал Милутин“ каде што се наоѓа училиштето.

На местото на престрелката има неколку полициски патроли. Во сила е полициската акција „Вихор“.

Поврзани вести:

• (ФОТО+ВИДЕО) Со црна јакна на главата, полицијата го спроведе ученикот што пукаше во школо во Белград
• Познат идентитетот на убиецот од Врачар: Коста Кецмановиќ, кој уби најмалку шест соученици, учествувал на многу училишни натпревари
• Шестмина починати во пукањето во училиштето во Белград, учениците во шок: Сите почнаа да викаат, настана паника
• Малолетник влегол во училиште во Белград и почнал да пука, има починати и повредени