Браната Нова Каховка ја минува огромната украинска река Днепар, задржувајќи голем резервоар со вода. Самата брана е висока 30 метри и широка стотици метри. Изградена е во 1956 година како дел од хидроцентралата Нова Каховка
Јужната команда на украинските сили утринава соопшти дека руските сили ја урнале браната Нова Каховка.
„Во моментов се разјаснуваат обемот на уништувањето, брзината и количината на вода, како и веројатните области на поплави“,
објави командата на својата Фејсбук страница.
Руските и украинските корисници на социјалните мрежи рано утринава објавија дека браната е уништена.
Украинскиот гувернер на Херсонската област Олександр Прокудин објави видео на Телеграм во кое вели дека како резултат на оштетувањето на браната Нова Каховка „водата ќе достигне критично ниво за пет часа“ и дека евакуацијата е започната.
Како што информира Олександр Прокудин, локалните жители веќе почнале да се евакуираат од опасните подрачја. Тој потврди дека Русите ја демолирале Каховка и ги повика што поскоро да ги напуштат опасните места.
— Mar:A (@kava202224) June 6, 2023
Зеленски: Руски терористи
Украинскиот претседател Володимир Зеленски на Твитер објави видео од уништената брана нарекувајќи ги руските сили во Украина „терористи“.
„Руски терористи. Уништувањето на браната во хидроцентралата Каховка само му потврдува на целиот свет дека мора да бидат исфрлени од секој агол на украинската територија. Не треба да се остават ниту еден метар, бидејќи секој метар ќе го искористат за терор“,
објави Зеленски.
Russian terrorists. The destruction of the Kakhovka hydroelectric power plant dam only confirms for the whole world that they must be expelled from every corner of Ukrainian land. Not a single meter should be left to them, because they use every meter for terror. It’s only… pic.twitter.com/ErBog1gRhH
— Володимир Зеленський (@ZelenskyyUa) June 6, 2023
Украинскиот Совет за национална безбедност објави дека претседателот Зеленски ќе одржи итен состанок со државниот врв во врска со уништувањето на браната Нова Каховка.
Браната Нова Каховка во окупираниот дел на украинската област Херсон во јужна Украина е уништена, предизвикувајќи поплави на таа територија, потврди руската агенција ТАСС, повикувајќи се на неименуван, но информиран извор.
Друга руска државна новинска агенција, РИА, го цитираше прорускиот градоначалник на градот Нова Каховка дека „горниот дел од браната бил уништен со гранатирање“. Истиот градоначалник во претходниот извештај негираше дека браната е крената во воздух.
Зошто е важна браната кај Херсон
Браната Нова Каховка ја минува огромната украинска река Днепар, задржувајќи голем резервоар со вода. Самата брана е висока 30 метри и широка стотици метри. Изградена е во 1956 година како дел од хидроцентралата Нова Каховка.
Големиот резервоар содржи приближно ист волумен на вода како Големото Солено Езеро во Јута. Пукањето на браната би можело да испрати ѕид од вода и да ги поплави населбите под неа, вклучувајќи го и Херсон, кој украинските сили го ослободија кон крајот на 2022 година.
Водата од резервоарот го снабдува полуостровот Крим на југ – анектиран од Русија во 2014 година – како и нуклеарната централа Запорожје – најголемата во Европа – на север.
Помага и во работењето на хидроцентралата Нова Каховка. Уништувањето на браната дополнително ќе ги влоши тековните енергетски проблеми на Украина, откако Русија ја таргетираше клучната енергетска инфраструктура со недели претходно оваа година. Тоа би го уништило и каналскиот систем кој наводнува поголем дел од јужна Украина, вклучувајќи го и Крим.
Извор: 360stepeni.mk
