(ВИДЕО) Русите масовно го нападнаа Киев со дронови – погодени се станбени блокови и куќи, нема жртви

Русија употребила 28 беспилотни летала од типот „шахед-136/131“, соопшти Генералштабот на вооружените сили на Украина на својата Фејсбук страница

Украинската армија утринава соопшти дека во текот на изминатата ноќ руските сили повторно лансирале десетици беспилотни летала врз Киев и дека повеќето од нив биле соборени. 

Русија употребила 28 беспилотни летала од типот „шахед-136/131“, соопшти Генералштабот на вооружените сили на Украина на својата фејсбук-страница. 

Според информациите на армијата, само четири непријателски беспилотни летала не се уништени, пренесува информативната агенција Униан. 

The moment shahed flew into a residential building in Kyiv just now.. pic.twitter.com/Etdf8ZNlg2

— Julia (@juliasskrs) December 21, 2023

„Во текот на ноќта во главниот град Киев се слушнаа експлозии, а против беспилотните летала дејствуваа силите на украинските сили за воздушна одбрана“,

соопшти армијата. 

Остатоците од погодените дронови паднаа во областите Соломенски, Дарнички и Голошејевски и притоа беа оштетени станбени згради. Според првичните информации, две лица се повредени, од кои едното е хоспитализирано, се додава во соопштението. 

Градоначалникот на Киев, Виталиј Кличко и други официјални лица пријавија напади на неколку станбени области.

Кличко рече дека дрон удрил во станбен блок во населбата Соломјански, јужно од центарот на градот предизвикувајќи пожар.

„Горните катови горат. Екипите за итна помош се на терен“,

информира тој.

Тој извести и за напад со дрон врз приватна куќа во областа Дарнички, на источниот брег на реката Днепар што минува низ градот. Едно лице е повредено, а екипа на Итна помош е на терен.

Според Униан, нема извештаи за жртви во овој напад.