Screenshot

ВИДЕО – Проданоски: Најголемата инвестиција е инвестицијата во нашите млади

June 27, 2026
1 min read

Во прекрасниот амбиент на паркот кај Могилата на непобедените во Прилеп, вечерва беше одржан настан посветен на најуспешните ученици, учесници на државни и меѓународни натпревари, како и на првенците на генерациите.

Дејан Проданоски истакна дека младите се вистинските „Амбасадори на знаењето“, гордост на Прилеп и најсилна потврда дека иднината на градот е светла и сигурна.

„Ова беше вечер посветена на знаењето, трудот, упорноста и соништата. Вечер во која покажавме дека Прилеп знае да ги цени оние што со своите успеси го претставуваат нашиот град на најубав можен начин“, порача Проданоски.

Тој нагласи дека локалната самоуправа поддршката кон талентираните ученици ја покажува и на дело. Од општинскиот буџет се издвоени над еден милион денари за наградување на учениците, како дополнителен мотив за нивните идни успеси.

Согласно Правилникот на Општина Прилеп, за освоени места на државни натпревари ќе бидат доделени награди од 5.000, 6.000 и 7.000 денари, додека за меѓународни натпревари наградите изнесуваат 7.500, 8.000 и 9.000 денари.

Проданоски упати честитки до сите наградени ученици, нивните родители, училиштата, наставниците и менторите, нагласувајќи дека нивните успеси се успех на целиот град.

„Ќе продолжиме да инвестираме во знаењето, затоа што најголемата инвестиција што можеме да ја направиме е инвестицијата во нашите млади. Нивниот успех е наша заедничка гордост, а нивните достигнувања се иднината на Прилеп“, истакна Проданоски.

Настанот беше збогатен со музичко-забавна програма, за која се погрижија DJ Ангела Димеска и The Doctors. Проданоски упати благодарност и до општествено одговорните компании кои ја поддржале иницијативата, нагласувајќи дека кога станува збор за младите, знаењето и иднината на Прилеп – сите треба да бидат заедно.

„Честитки, амбасадори на знаењето! Продолжете да сонувате, да учите и да победувате, Прилеп е горд на вас“, порача Проданоски.

ВИДЕОТО ПОГЛЕДНЕТЕ ГО ТУКА

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Браво за Зеленортските Острови

Следно

Втората вечер на Ohrid Wine Festival Vol. 5 донесе рекордна посетеност и одлична атмосфера

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop