(ВИДЕО) Пригожин тврди дека го зазеле Бахмут, украинската војска вели дека се водат жестоки борби

Шефот на приватната воена компанија „Вагнер“, Евгениј Пригожин, изјави дека таа на 25 мај ќе ѝ ја предаде контролата врз украинскиот град Бахмут на руската армија, пренесоа светските агенции.

„До 25 мај ние целосно ќе го пребарaме градот, ќе создадаме одбранбени позиции и ќе ѝ го предадаме на војската да се грижи за него“, рече Пригожин во видеото што неговата прес-служба го објави на каналот Телеграм.

„Ние ќе се вратиме во базите“, додаде тој.

Претходно денеска Пригожин изјави дека неговите сили целосно ја презеле контролата над градот. Потоа, украинската армија го демантираше „Вагнер“ дека целосно го зазела градот. Портпаролот на украинската војска Серхи Шереваџи за Ројтерс изјави дека тоа не е вистина и дека „украинските трупи сѐ уште се борат во Бахмут“. Заменик-министерот за одбрана рече дека се водат жестоки борби и дека ситуацијата е критична.