Обвинителството потврди дека против неименуваниот полицаец одговорен за престрелката се води истрага за „убиство“. Жртвата, идентификувана како Наел М., починала вчера по 9 часот, откако во него било пукано половина час претходно
Дваесет лица се уапсени поради нарушување на јавниот ред и мир за време на протестите што избувнаа во Франција откако полицаец уби 17-годишно момче.
Убиството е снимено во Нантер, западно од француската престолнина. Како што беше соопштено, тинејџерот, кој по потекло е од Алжир, ги прекршил сообраќајните правила. Набрзо жртвата била идентификувана како Наел М., 17-годишен возач доставувач.
Полицаецот во меѓувреме е уапсен, а околностите под кои се случило убиството се уште се нејасни.
Синоќа на улиците на Париз избувнаа нереди, а беа запалени и неколку автомобили.
Полицијата употреби солзавец за да ги растера помалите групи кои почнаа да прават хаос.
Riots in the Paris suburb of Nanterre after the police killed a 17-year-old boy who resisted, BFMTV reports. Groups of people set fire to barricades, cars, trash cans, smashed a bus stop and firecrackers at the police, who responded with tear gas.
Users on social networks report… pic.twitter.com/PpN6jxMOjL
— Geopolitics.wiki (@GeopoliticsW) June 28, 2023
Иако ситуацијата се смири нешто по 3 часот наутро, тензиите продолжија, а протестите се проширија и во другите делови на Париз.
Во меѓувреме, обвинителството потврди дека против неименуваниот полицаец одговорен за престрелката се води истрага за „убиство“. Жртвата, идентификувана како Наел М., починала вчера по 9 часот, откако во него било пукано половина час претходно.
На снимката, која кружи на интернет, се гледа автомобилот во кој е момчето. Тој е првично стои, пред да тргне напред додека полицаецот му се заканува со смрт. Кога возачот тргнал, полицаецот пукал од непосредна близина, погодувајќи го во градите.
#nanterre #police #fuite pic.twitter.com/TjKuvGLWda
— Ohana (@Ohana_Fgn) June 27, 2023
Градоначалникот на Нантер, Патрик Гери, рече дека е „шокиран“ од видеата и ѝ изрази „искрено сочувство на мајката на момчето“.
„Толку е тажно, тој беше толку млад“,
рече Самиа Боу (62), поранешна соседка на тинејџерот, која дошла да положи букет жолти рози на местото на настанот.
Извор: 360stepeni.mk
