Потпретседателот на партијата, Тимчо Муцунски, рече дека е погрешна тезата дека на оваа лидерска средба се одлучува за интеграција или изолација на земјава. Она што се одлучува, според ВМРО-ДПМНЕ е дали ќе има уставни под диктат или ќе има одбрана на националното достоинство и државните интереси
Непосредно пред да започне лидерската средбата помеѓу Димитар Ковачевски (СДСМ) и Христијан Мицкоски (ВМРО-ДПМНЕ), Извршниот комитет (ИК) на опозициската партија заседаваше и го овласти партискиот лидер да ја брани позицијата дека е против уставни измени под диктат.
„Денес во пресретна одржувањето на лидерската средба заседаваше ИК на ВМРО-ДПМНЕ и донесе одлука да го овласти претседателот Христијан Мицкоски да ги афирмира и одбрани следните позиции. Тргнувајќи од националните интереси и мислењето на огромниот број граѓани уставни измени под диктат и под поразителни околности за Македонија не смее да има“,
соопшти потпретседателот на партијата, Тимчо Муцунски.
Соопштувајќи го ставот на ИК, тој наведе дека носењето на уставни измени во состојба кога е нападнат националниот државен идентитет, кога се оспорува јазикот и историјата, не е никаков чекор напред.
„Македонија поради лесните отстапки е веќе во изолација“,
рече Муцунски.
Тој додаде дека затоа е погрешна тезата дека на оваа лидерска средба се одлучува за интеграција или изолација на земјава. Она што се одлучува, според ВМРО-ДПМНЕ е дали ќе има уставни под диктат или ќе има одбрана на националното достоинство и државните интереси.
Муцунски порача она што го бара ВМРО-ДПМНЕ е фер шанса каква што ја имаат и другите народи во Европа кога ѝ пристапувале на ЕУ.
По неуспехот на уставните измени, беше дециден Муцунски, следниот чекор треба да бидат предвремени парламентарни избори.
Веста се надополнува
ИЗВОР: 360stepeni.mk
