(ВИДЕО) Хил: Врската на Србија со Русија од ден на ден слабее

February 1, 2023
1 min read

Србија веќе одлучи да се сврти кон Западот и за многу Срби е фрустрирачки што процесот за европската интеграција трае толку долго. Се надевам дека резултатот од сето ова ќе биде многу подобро, побрзо темпо кон евроинтеграциите, вели Хил

Американскиот амбасадор во Белград, Кристофер Хил изјави дека врската меѓу Србија и Русија од ден на ден слабее и дека истовремено се зголемува интересот за соработка со ЕУ и поголем интерес за соработка со САД.

„Прашањето за односите на Србија со Русија – можете да видите дека од ден на ден слабее. Се гледа дека има се поголем интерес за соработка со ЕУ и поголем интерес за соработка со нас“,

вели Хил.

Хил за телевизијата Н1 изјави дека ставот на САД е Србија да се приклучи на санкциите против Русија, наведувајќи дека не е точно оти Белград ништо не направил, бидејќи во Обединетите нации ја осудува руската агресија врз Украина.

Запрашан дали позицијата на Белград во преговорите со Приштина е послаба бидејќи не воведе санкции кон Русија, Хил рече дека тоа се посебни прашања.

Тој изјави дека „конструктивниот пристап“ на Белград кон европскиот план за нормализација на односите со Приштина на крајот ќе влијае на брзината со која Србија се приближува кон Западот.

„Србија веќе одлучи да се сврти кон Западот и за многу Срби е фрустрирачки што процесот за европската интеграција трае толку долго. Се надевам дека резултатот од сето ова ќе биде многу подобро, побрзо темпо кон евроинтеграциите“,

рече Хил.

На прашањето зошто европскиот предлог за нормализација на односите меѓу Белград и Приштина е таен, Хил рече дека „не би го нарекол тајна, туку нешто што спаѓа во традиционалните дипломатски канали“.

„Ако се обидете да направите дипломатија преку медиумите, ќе има многу недоразбирања“,

рече Хил.

На прашањето дали српскиот претседател Александар Вучиќ би ја „префрлил линијата“ доколку ја открие содржината на предлогот на специјалната седница на српскиот парламент за Косово на 2 февруари, Хил рече дека тоа е „хипотетичко прашање“ и додаде дека „голема дебата во парламентот е потребно“.

„Сметам дека е соодветно планот да се расправа во парламентот, но оставам на другите да одлучат што треба да се открие, а што не“,

рече тој.

Хил не одговори директно на прашањето дали Вучиќ или косовскиот премиер Албин Курти повеќе соработуваат со Западот.

„Ако мислев дека одговорот на тоа прашање ќе помогне во преговарачкиот процес, би одговорил, но тоа ќе го оставам на вашата фантазија“,

рече Хил.

Тој посочи дека формирањето на Заедницата на општини со српско мнозинство е главното прашање за исполнување на Бриселскиот договор.

„Мислам дека има итна потреба сите да се согласат за тоа и да разберат дека штом прифатиш нешто, мора да продолжиш“,

рече Хил.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Стоилковски: СДСМ и удоволува на Бугарија, стражите на гробот на Делчев се резултат на револт на граѓаните кон владините политики и газење на црвените линии на Македонија

Следно

Русија планира нова офанзива за 24 февруари, изјави украинскиот министер за одбрана

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop