Североисточниот брег на Соединетите Американски Држави го зафати една од најтешките снежни бури во последните две години. Сообраќајот е во хаос, а има и жртви.
Во Пенсилванија, 20-годишен маж загина на моторна санка кога налета на падната жица, соопшти полицијата во Њубери.
Поради снежното невреме откажани се околу 1.500 летови, главно во Њујорк и Бостон, додека други 2.700 се одложени, јавува Би-би-си.
Наставата во живо за илјадници студенти во Њујорк, Пенсилванија и Масачусетс е прекината и сега се одржува онлајн. Во некои области забрането е движење на комерцијалните возила, а властите ги повикаа жителите да избегнуваат патувања, ако е можно.
Снежна бура погоди 150.000 жители на Пенсилванија со прекин на електричната енергија во вторникот наутро по локално време, а 50.000 останаа без струја синоќа.
Поради снежното невреме 46 милиони граѓани се предупредени дека обилните врнежи и силните ветрови би можеле да доведат до поплави на улиците.
Исто така, се додава дека во Централ парк и Њујорк падна најголемо количество снег во последните две години, а надлежните служби ги предупредуваат граѓаните дека големите количества вода во текот на ноќта може да се претворат во лизгалишта поради ниските температури.
Во Конектикат времето предизвика повеќе од 160 несреќи во кои се повредени осум лица, а полицијата и властите примиле 764 повици за помош. Полицијата во Њу Џерси регистрирала над 440 сообраќајни несреќи.
Извор: alsat.mk
