(ВИДЕО) Десетина повредени во конфликтот меѓу полицијата и граѓаните во Звечан, барикади во Лепосавиќ

Александар Арсенијевиќ од граѓанската иницијатива „Српски опстанок“ изјави дека косовската полиција прво ги нападнала жените, а потоа него и дека директно го испрскале со солзавец во очите

Во болницата во Косовска Митровица за РТС е потврдено дека во конфликтот меѓу специјалните сили на косовската полиција и насобраните граѓани се повредени десетина лица, јавува Н1.

Во овој момент ситуацијата е малку смирена, но е многу тензична, јави дописникот на РТС.

Заменик-директорката на Клиничко-болничкиот центар во Северна Митровица, Даница Радомировиќ, денеска изјави дека никој од повредените не е задржан во болница.

„На десетина лица им е укажана помош на хируршкото одделение за прием, на ортопедија и на очното одделение со полесни физички повреди од шок-бомби и солзавец, како и видливи повреди на лицето“,

рече Радомировиќ.

Александар Арсенијевиќ од граѓанската иницијатива „Српски опстанок“ изјави дека косовската полиција прво ги нападнала жените, а потоа него и дека директно го испрскале со солзавец во очите.

„Бев дезориентиран, ме одвлекоа меѓу два автомобили, почнаа да ме тепаат“,

изјави Арсенијевиќ.

Тој посочува дека во еден момент полицаец рекол на албански да не ги тепаат оние со камери.

pic.twitter.com/22yrSTydLM

— Aleksandar Arsenijević (@Aco_Sfens) May 26, 2023

Во сите општини нешто пред пладне се слушнале сирени за опасност. Со нив граѓаните биле повикани да се соберат пред општинските згради за да го спречат градоначалникот да влезе во зградата. Присутни се полициски сили со полициски џипови, цивилни возила и редовна полиција. Исто така, пред сите општински згради има возила на Еулекс, а на места е видлив и Кфор, пишува Н1.

Во Звечан дошло до пресметка со полицијата. На социјалните мрежи е објавено видео од демолирано возило на косовската полиција во Звечан.

Коссев јавува дека во Зубин Поток специјалните единици влегле во зградата на Привремената управа на оваа општина.

Истовремено, косовските медиуми со фотографија објавија дека градоначалникот Измир Зеќири во придружба на специјални полициски сили влегол во зградата на Привремената управа.

Граѓани направиле блокада во Лепосавиќ.

(ВИДЕО) Хаос во Косово: Фрлен солзавец, се слушаат рафали, Вучиќ ја подигна борбената готовност на војската

Фото: КоССев