Верниците од денеска ќе можат да го посетат гробот на папата Франциск

April 27, 2025
1 min read

Од денеска гробницата на папата Франциск во базиликата Санта Марија Маџоре во Рим ќе биде отворена за верниците, соопшти Ватикан.

Папата, кој почина на 88-годишна возраст на 21 април од мозочен удар, беше погребан вчера во гробница одвоена помеѓу две капели во римската базилика, по церемонија на жалост одржана во Ватикан. Церемонијата на поставување на ковчегот траеше околу половина час.

На погребот во базиликата Санта Марија Маџоре присуствуваа само најблиските, а едноставниот, дрвен ковчег на Папата беше пречекан со ѕвона.

Пред таа базилика, која се наоѓа на околу шест километри од Ватикан, телото на Папата го пречекаа 40 припадници на маргинализирани групи, за кои тој особено се залагаше за време на службата, вклучувајќи мигранти, бездомници, затвореници и трансродови лица.

Претходно, по мисата на плоштадот „Свети Петар“ во Ватикан, папамобилот со ковчегот помина низ улиците на Рим, при што насобраната маса луѓе се збогуваше со поглаварот на Римокатоличката црква.

На мисата во Ватикан, според официјалните податоци од Ватикан, присуствуваа околу 250.000 луѓе, како и 170 странски делегации. Меѓу нив имаше шефови на држави и влади, монарси, поранешни државници, политичари од Италија и други земји, интелектуалци, уметници. Подоцна, италијанскиот министер за внатрешни работи Матео Пјантедози изјави дека најмалку 400.000 луѓе присуствувале на погребот на папата Франциск, собрани на плоштадот „Свети Петар“ и по улиците на Рим.

Целиот настан го следеа околу 2.700 акредитирани новинари.

Во историјата на Светата столица, неколку папи биле погребани во слични гробници надвор од Ватикан, вклучувајќи го Григориј XII во Реканати, Бенедикт XII и Јован XXII во Авињон, и Григориј X во Арецо. Последниот папа што бил погребан на овој начин надвор од Ватикан бил Лав XIII, кој починал во 1903 година и е погребан во базиликата Сан Џовани во Латерано во Рим.

Гробниците на папите се дел од црковното и културното наследство.

Папата Франциск побара да биде погребан во римската базилика Санта Марија Маџоре, каде што се наоѓа познатата византиска икона на Богородица, пред која имал навика да се моли пред и по секое апостолско патување.

Извор: 24vesti.mk

MARKETING

MARKETING

Претходно

ЦУК: Вкупно 1 666 повици на 112 во последното деноноќие

Следно

Ѓорѓиев: Работата на македонско-бугарската историска комисија е најдобро да биде замрзната

Latest from Blog

Килијан Мбапе заврши во болница

Килијан Мбапе (26) има акутен облик на гастроентеритис и е хоспитализиран за да се подложи на разни тестови и да добие соодветен третман. Мбапе почна да се чувствува лошо по тренингот во

ВИДЕО: Инцидент во Советот на Општина Кочани, општинска службеничка удрена со шише во глава

На денешната 65-та седница на Советот на Општина Кочани се случи инцидент, а избегната е физичка пресметка. Инцидентот настана по вербална расправија меѓу советникот Аки Акиов и координаторот на советничката група на

Земјоделците стравуваат од суша, експерти: Вода имаме не ја користиме правилно

Земјоделците од државата во неизвесност и страв од сушно лето. Експертите велат имаме вода но не ја користиме правилно тоа секое лето доведува до сериозни последици со десеткуван род кај повеќето земјоделски

Израелската армија уби уште најмалку 71 Палестинец во Појасот Газа кои чекале хуманитарна помош

ИСТАНБУЛ (АА) – Израелската армија денес уби уште најмалку 71 Палестинец во Појасот Газа, меѓу кои и неколку лица што чекале храна и хуманитарна помош, соопштија медицински извори, јавува Анадолу. Според медицински

Политичка одмазда или прекршок?! Директорот на „Комуналец“ Кичево реагира за кривичната пријава

Случајот со депонијата во Кичево доведе до поднесување кривична пријава против директорот и четворица вработени како камионџии во општинското претпријатие што управува со отпадот. Според соопштението на МВР, директорот Зенел Јонузи се
Go toTop