Вечерва во 360° – Интервју со Касами: Заедничка влада на СДСМ и ВМРО-ДПМНЕ е пропаганден трик на ДУИ

Новото издание на емисијата „360 степени“ се емитува вечерва (13 јануари 2023 г.) од 22:20 часот на ТВ Алсат

Во „360 степени“ гостува претседателот на партијата Движење Беса и градоначалник на Тетово, Билал Касами. Разговорот го водиме главно во првиот капацитет со кој го претставив нашиот гостин – како лидер на Беса. Касами беше единствениот поканет лидер на партија на Албанците што одби да присуствува на средбата со албанскиот премиер Еди Рама во Тирана. Објаснувањето беше дека ,,Груби и Ахмети уште еднаш се обидуваат да го искористат Рама затоа што не знаат како да излезат од калта во која заглавија”. Го прашуваме дали се уште мисли дека донел правилна одлука или станува збор за комплекс на помала вредност или суета. Тема се и јавните наводи за договарање на Заев и Мицкоски за избори на пролет и заедничка влада на СДСМ и ВМРО-ДПМНЕ, без ДУИ, по нив, како и идејата за широка предизборна коалиција на сите партии што го прифатија т.н. француски предлог.

Емисијата се емитува од 22:20 часот на ТВ Алсат.