Повеќе од 30 пожари на отворен простор имаше вчера на територијата на Македонија, вели директорот на Дирекцијата за заштита и спасување Стојанче Ангелов.
Тој напомена дека најсериозни се пожарите во Јасен и во Јегуновце.
„Во текот на вчерашниот ден имавме повеќе од 30 пожари на отворен простор, од нив два се сериозни. Веќе познатиот пожар кај Јасен, но сега и пожар над кој е загубена контрола е во Јегуновце кој гори на еден рид каде има репетитори. Репетитори успеавме да ги спасиме, но оганот се уште е активен. Тука дејствува еден полициски хеликоптер, верувам дека овој пожар до крајот на денот ќе биде ставен под целосна контрола“, рече Ангелов.
ИЗВОР: ТВ 21
