Ватикан: Палестинското население „мора да остане на своја земја“

ЖЕНЕВА (АА) – Државниот секретар на Светата Столица денес порача дека палестинското население „мора да остане на своја земја“, пренесува Анадолу.

Пјетро Паролин отфрли какви било присилни депортации во изјавата на самитот меѓу Италија и Светата Столица, објави новинската агенција АНСА.

„Палестинското население мора да остане на своја земја. Ова е една од фундаменталните точки на Светата Столица: нема депортации“, рече Паролин како одговор на новинарите.

„Нема депортации и затоа што од италијанска страна е нагласено дека тоа ќе создаде тензија во подрачјето“, додаде тој.

Неговите изјави се одговор на контроверзниот план на американскиот претседател Доналд Трамп за „преземање“ на Појасот Газа и насилно преселување на палестинското население во други земји.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.