Европскиот комесар за проширување, Оливер Вархеји, смета дека посветеноста на нормализацијата на односите меѓу Белград и Приштина покажува храброст и решителност на патот кон Европската Унија.
Вархеји на твитер им честиташе на Белград и Приштина по завршувањето на вчерашниот дијалог во Охрид под покровителство на ЕУ.
Тој напиша дека „ЕУ е подготвена да ги поддржи двете страни во процесот на имплементација“.
The full commitment to normalisation of relations between #Belgrade and #Pristina shows courage and determination towards their #EU 🇪🇺path.
I congratulate to all parties.
We are ready to support both in the implementation process. https://t.co/uH09ajaZEL— Oliver Varhelyi (@OliverVarhelyi) March 19, 2023
Високиот претставник за надворешна политика и безбедност на ЕУ, Жозеп Борел, синоќа во Охрид, по средбата меѓу српскиот претседател Александар Вучиќ и косовскиот премиер Албин Курти, изјави дека двете страни постигнале договор за имплементацискиот анекс на Договорот за патот кон нормализација на односите.
„Конечно, по 12 часа, имаме договор како да го имплементираме договорот што Србија и Косово го постигнаа на 27 февруари во Брисел“,
изјави Борел во Охрид.
Извор: 360stepeni.mk
