Барселона на доминантен начин дојде и до шестата победа во шестиот настап во шпанската лига, вечерва на „Камп Ноу“ настрада Расинг Сантандер со 7-2. Актуелниот шпански првак е прв во историјата кој тргнал со шест победи и постигнати 28 голови во тие шест кола.
Хет-трик направи Рафиња кој два од трите гола ги даде од пенал. Бразилецот има 9 голови на шест меча.
Каталонците 30 или повеќе голови во првите седум официјални мечеви од една сезона претходен пат имале пред 92 години, што само потврдува дека машинеријата на Ханси Флик делува незапирливо во овој дел од сезоната.
Не беше сè идеално за Барса, се повреди голманот Жоан Гарсија кој беше заменет на полувреме, а Ламин Јамал утна пенал. Барса четврти пат во својата историја изведе три пенали на еден лигашки меч. Расинг 44 години немаше примено седум гола на меч од Ла Лига, но вечерва настрада.
Извор: sportmanija.mk
