Најниската температура утрово е измерена во Берово, каде што беше -7 степени Целзиусови, додека највисоката од 3 степени е забележана во Гевгелија.
Според податоците на Управата за хидрометеоролошки работи, утринските температури низ земјата варираа – во Крива Паланка беа измерени -5 степени, во Крушево -4, во Виница -3, а -2 степени имаше во Штип, Маврови Анови и Попова Шапка. Во Претор, Прилеп, Кавадарци и Струмица температурата изнесуваше -1 степен, додека во Скопје-Петровец, Тетово и Битола беше 0 степени. На Скопје-Зајчев Рид, Охрид, Демир Капија и Велес беа измерени 1 степен.
Висината на снежната покривка, измерена во 7 часот наутро, изнесува 31 сантиметар на Попова Шапка, а во Маврови Анови снежниот слој достигна 8 сантиметри.
Денеска се очекува променливо облачно време со сончеви периоди. Попладне и во текот на ноќта ќе има услови за локални врнежи од слаб дожд и снег. Ќе дува слаб до умерен ветер од југоисточен правец, а максималната дневна температура ќе се движи меѓу 3 и 7 степени.
Во Скопје времето ќе биде претежно облачно, а во делови од котлината ќе има услови за слаби врнежи од дожд и снег. Ќе дува слаб до умерен ветер од југоисточен правец, а максималната температура ќе достигне 7 степени.
ИЗВОР: racin.mk
