Уставниот суд утврди прекршување на слободата на изразување на новинарката на ТВ 24 Душица Мрѓа на 27 април. Уставните судии се согласија дека државата не ја заштитила колешката Мрѓа при вршењето на нејзината работа на Крвиот четврток и освен што што се повредени нејзините уставни права биле повредени и правата на граѓаните да бидат информирани за случувањата на 27 април што е настан од јавен интерес.
Сепак уставните судии без заеднички став и со различни дискусии дали судот може и да ги поништи пресудите на Граѓанскиот суд и Апелација.
Според дел од судиите вклучувајќи ја и претседателката Добрила Кацарска таква можнсот не постои и не е предвидена со Законот за Уставен суд.
Судијата Дарко Костадиновски пак во издвоено мислење со спротивен став дека апсолутно судот има право да поништи пресуди за кои констатирал дека не ја увиделе фактичката состојба. Ова е втора ваква одлука на Уставен суд.
Извор: 24vesti.mk
