Уште една новинарка е убиена во израелски напад врз Газа, вкупно 174 новинари загинаа од 7 октомври

ГАЗА (АА) – Уште една палестинска новинарка е убиена во израелскиот воздушен напад врз Појасот Газа, со што вкупниот број на загинати се искачи на 174 од 7 октомври минатата година, соопшти денес владината Канцеларија за медиуми, пренесува Анадолу.

Во соопштението Канцеларијата за медиуми изјави дека новата жртва е Вафа Алудаини, без да даде никакви детали за околностите за нејзината смрт.

Се наведува дека Алудаини соработувала „со неколку медиуми од англиски јазик“, при што ја повикувала меѓународната заедница да побара одговорност од израелската Влада за нејзините „злосторства против новинарите“.

Израел ја продолжи својата брутална офанзива врз Појасот Газа по нападот на палестинската група Хамас на 7 октомври минатата година и покрај резолуцијата на Советот за безбедност на ОН со која се повикува на итен прекин на огнот.

Според локалните здравствени власти, оттогаш се убиени речиси 41.600 луѓе, главно жени и деца, а над 96.200 други се повредени.

Поради израелските напади е раселена речиси целата популација од територијата, а тековната блокада доведе до недостиг на храна, чиста вода и лекови.

Израел се соочува со обвиненија за геноцид пред Меѓународниот суд на правдата поради масакрот во Газа.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.