Правилното менаџирање и одржувањето на баланс помеѓу зачувувањето на културното добро и развојот на туризмот е клучот за одржување на статусот Унеско сметаат странските експерти.
Порачуваат дека на Охрид му треба квалитетен и одржлив, а не масовен туризам кој веќе прави проблеми на повеќе фронтови.
„Многу е тешко да се управува со природно и културно наследство од овој калибар но правилното управување е клучната работа.Имате прекрасен град, езеро, светско наследство и природа и сето тоа мора да се изменаџира и во соработка со друга држава што дополнително го усложува процесот.Видете туризмот е добра работа. Туризмот мора да расте и е одлична работа која ја подобрува економијата и финансискиот развој на градот, но истотака за финансиска корист може многу едноставно да излезе од рамките на дозволеното. Затоа мора да се запазат стандардите, стандардите на градба, конзервирањето, контрола мора да постои.Фокусот мора да биде ставен на одржлив туризам бидејќи масовниот веќе прави проблеми.” Рајан Епик археолог,конзерватор.
Од домашната научна фела велат мора час побргу се што е напишано на хартија да се иплеменитира во пракса. Плановите и препораките од канцеларија да се изнесат на терен. Особено во делот на градењето.
Инаку следната година во јули, Унеско повторно ќе го разгледува статусот на Охридскиот регион какво светско и културно наследство врз база на извештаите од последната реактивна мисија.
Извор: 24vesti.mk
