Украинскиот Парламент ја одобри резолуцијата за преименување на над 300 населени места

ИСТАНБУЛ (АА) – Украинскиот Парламент денес ја одобри резолуцијата за промена на имињата на над 300 населени места во земјата, пренесува Анадолу.

Украинскиот пратеник Олекси Хончаренко на Телеграм изјави дека резолуцијата, поддржана од Врховната Рада со 281 глас, ќе преименува 328 населени места.

Пратеникот Јарослав Железњак рече дека резолуцијата се однесува на населби што „содржат руски и советски наратив“.

Железњак истакна дека се вклучени и русифицирани имиња, како и имиња посветени на клучни руски личности и советски симболи.

Во објаснувањето за резолуцијата објавена на веб-страницата на Врховната Рада се наведува дека резолуцијата предлага преименување на четири дистрикти, 10 града, 56 населби и 262 села во 22 региона.

Се додава дека 332 предлози биле разгледани од Парламентот.

Веб-страницата објави дека 14 пратеници гласале против резолуцијата.

Од почетокот на руско-украинската војна во февруари 2022 година Киев ги интензивираше напорите за отстранување на руските и советските симболи во Украина.

Процесот започна по независноста на земјата во 1991 година, но доби интензитет по Мајданската револуција во 2014 година, кога масовните протести доведоа до соборување на тогашниот претседател Виктор Јанукович, кој беше перципиран како проруска личност.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.