ЗАПОРОЖЈЕ (АА) – Жителите на градот Запорожје во Украина се мобилизираа за чистење и отстранување на урнатините по рускиот напад врз градот, јавува Анадолу.
Голем број продавници и згради беа оштетени пред два дена како последица на рускиот напад на областа Шевченко во Запорожје.
Во нападот загинаа три лица, а локалната црква е уништена.
Полицијата и другите градски служби работат на отстранување на урнатините и чистење на коловозот, а и многу граѓани кои им пришле на помош.
Уништената населба ја посети и репортерската екипа на Анадолу.
Локалниот свештеник Василиј во разговор со новинарот на Анадолу изјави дека проектилот ја погодил црквата и ја уништил, како и зградите околу неа. Тој додаде дека имало среќа што проектилот не го погодил блискиот пазар бидејќи во него имало многу луѓе.
„Жителите на градот се многу вознемирени од состојбата на црквата. Некои од нив доаѓаат и помагаат во процесот на отстранување на урнатините. Се надевам дека ќе ја обновиме нашата црква откако ќе собереме пари“, рече Василиј.
