КИЕВ (АА) – Началникот на воената управа на градот Киев, Сергеј Попко, соопшти дека руската Армија извршила напад врз главниот град Киев со хиперсонични ракети „Кинжал“ и високопрецизни ракети со долг дострел „Калибар“, известува Анадолу.
Попко во објавата на социјалните мрежи наведе дека Русија денеска извршила интензивен воздушен напад на Киев.
Истакнувајќи дека Русите истовремено користеле балистички, крстосувачки ракети и беспилотни летала, Попко рече дека „во воздушниот простор околу Киев се уништени 6 хиперсонични ракети од типот „Кинжал“, 6 крстосувачки ракети „Калибар“ и две извидувачки летала.
Во објавата Попко наведе дека во нападот, според првичните утврдувања, не се откриени човечки загуби или материјална штета.
Командантот на украинските копнени сили Александар Сирскиј исто така информираше за развојот на настаните во врска со војната на источниот фронт преку писмено соопштение објавено на социјалните мрежи преку профилот на Воениот прес-центар на Министерството за одбрана.
Посочувајќи дека ситуацијата на истокот останува тензична, Сирскиј наведе: „Непријателот и покрај губењето на своите позиции во регионот и офанзивата на украинските трупи на југ, продолжува да ги поставува своите трупи во правец на Бахмут, кој е подобро подготвен за војна.“
Сирскиј истакна дека продолжуваат со офанзивните операции во одредени правци за повторно преземање на контролата врз ридовите и шумските појаси, со цел оддалечување на Русите од околината на Бахмут.
Извор: www.aa.com.tr
