КИЕВ (АА) – Командантот на украинските копнени сили, Александар Сирскиј, извести дека во некои делови на Бахмут украинските трупи тргнале во офанзива против Русите, известува Анадолу.
Сирскиј вчера посети неколку позиции на фронтот и им врачи државни медали на успешните војници, соопштија Копнените сили на Украина.
Наведувајќи дека украинската војска одбила голем број руски напади во последните неколку дена во насока кон пристаништето, Сирскиј истакна дека „обидите на непријателите да ги заземат нашите позиции беа неуспешни. Непријателот претрпе загуби, заробивме 10 непријателски војници“.
Зборувајќи дека интензивираните судири продолжуваат во насока на Бахмут, Сирскиј потврди дека Русите се обиделе да ја пробијат одбраната на украинските војници во различни насоки, но не успеале во тоа.
Тој напомена дека руските војници вложиле максимални напори за да напредуваат.
„И покрај значителните загуби, нови Вагнерови јуришни групи, борци од други приватни компании, постојано влегуваат во судири, меѓутоа непријателот не е во состојба да ја преземе контролата над градот“, изјави командантот на украинските копнени сили, Сирскиј.
Објаснувајќи дека позицијата во правец на Бахмут е многу комплицирана, Сирскиј додаде дека „истовремено нашите трупи го напаѓаат непријателот во некои делови од градот, а непријателот напушти некои од своите позиции“.
Извор: www.aa.com.tr
