Украинските власти наредија задолжителна евакуација од неколку населени места во округот Синелниково во регионот Дњепропетровск. Одлуката се однесува на повеќе од 40 градови и села, соопшти денес прес-службата на територијалната заедница Покровске.
Евакуацијата започна на 29 декември 2025 година и ќе трае 30 дена. Селото Волоске во Днепарската област е назначено за транзитна точка за евакуираните.
Властите предупредуваат дека областа моментално е активна борбена зона и дека останувањето таму претставува закана за здравјето и животите на цивилите.
Гувернерот на Черниговската област, Вјачеслав Чаус, денес изјави дека во тој регион е објавена задолжителна евакуација на 14 погранични села. Се очекува процесот да заврши во рок од 30 дена.
Извор: tv21
