Повеќе од десет функционери беа разрешени оваа недела по серијата скандали и обвинувања за корупција
Функционерите на украинската влада кои ги избегнуваат своите должности за време на војната ќе бидат брзо сменети, изјави Андриј Јермак, шеф на кабинетот на претседателот Володимир Зеленски во екот на борбата против корупцијата.
Повеќе од десет функционери беа разрешени оваа недела по серијата скандали и обвинувања за корупција. Политичките аналитичари рекоа дека Зеленски треба да им покаже на западните политичари и уморните од војна Украинци дека е сериозен за казнување на злоупотребата на моќта.
„Секој треба да го сфати своето ниво на одговорност кон државата и нацијата за време на војната. Кој и да заборави на тоа, реакцијата ќе биде брза. Ова ќе му се случи на секој кој ќе си дозволи да ги заборави (своите должности), без разлика на титулите и функциите“,
рече Јермак.
Меѓу скандалите беше и оној на заменик-министерот за одбрана кој поднесе оставка по извештаите кои тој ги негираше, дека неговото министерство плаќа напумпани цени за храна на војската.
Претседателскиот советник кој локалните медиуми го повикаа на одговорност затоа што возел скапи автомобили, исто така поднесе оставка, како и висок обвинител за кој украинските медиуми објавија дека заминал на одмор во Шпанија, кршејќи ги правилата на воената состојба. Илјадници украински цивили се убиени, милиони се раселени, а градовите се претворени во урнатини откако руските сили ја нападнаа Украина пред 11 месеци.
Извор: 360stepeni.mk
