Продолжува војната меѓу УЕФА и другите конфедерации против Џани Инфантино, кој сака да ја задржи позицијата на чело на ФИФА дури и на следните избори, кои се во март следната година. УЕФА подготви нов удар за Инфантино. Се здружи со другите континентални конфедерации и се закани дека ќе формира ново национално натпреварување како одговор на Светското првенство доколку Инфантино не се откаже од својата кандидатура за уште еден мандат.
Да потсетиме дека Инфантино шокираше со плановите за продажба на акции од Светското првенство на приватни инвеститори, но потоа беше принуден да направи понижувачки пресврт.
Покрај тоа, претседателот на УЕФА, Александар Чеферин, заедно со лидерите на КОНКАКАФ и Азиската фудбалска конфедерација, бараат негова оставка.
„Тајмс“ пишува дека е формиран сојуз со цел да се отстрани Инфантино и да се „парализира ФИФА“. Тие размислуваат за организирање на свои меѓународни натпреварувања доколку тој инсистира да остане на власт и се кандидира за реизбор во март. УЕФА веќе има план за глобална Лига на нации – проект започнат во 2017 година – кој ќе се натпреварува со Светското првенство. Огорчените противници на Инфантино се подготвени да ги бојкотираат состаноците на Советот и комитетите на ФИФА и да одбијат да ратификуваат одлуки. Бесрамниот адвокат ја обезбеди поддршката само од 15 од 211-те земји-членки откако неговиот неуспешен проект излезе на виделина.
Извор: vecer.mk
