Ова е Есра, ученичка во петто одделение во ОУ Азем Марана во тетовското село Гајре. Ја затекнавме сама на час. Во класот има вкупно 5 ученици, но 4 не беа дојдени поради сезонски грип. Постојаните иселувања се причина паралелката сега да брои само 5 ученици. Наставникот Реџеп Халили кој работи 35 години во образование, ни кажа дека училиштето некогаш броело над 120 ученици, а сега има само 48.
Бројката во ова училиште е значително намалена. Главната причина е миграцијата, како и обично во западните земји, поради економската состојба, а тоа не е само во Гајре туку во сите делови на нашата земја, а колку што се сеќавам, кога дојдов овде во 1995 година, секоја паралелка имаше над 25 ученици, додека во осумгодишниот циклус 2001/2002 година имало над 120 ученици, изјави Реџеп Халили, наставник.
Стравот е голем дека бројот на ученици ќе продолжи да се намалува! Татковците кои се на печалба чекаат документи за да си ги земат децата.
Во наредната учебна година, според информациите со кои располагаме, тие работат и ќе се пријават и нивните сопружници да ги земат и да се заедно со семејството, така што бројката од година во година е во нагло опаѓање, не само во Гајре туку воопшто во тетовските планински села, изјави Реџеп Халили, наставник.
Од образовниот сектор во општина Тетово велат дека оваа учебна година 74 ученици побарале исписници поради миграција. За разлика од другите години, барањата за ваков процес се намалени.
-Годинава бележиме намалување на бројот на ученици кои побарале миграциска дозвола. Во сите 12 основни училишта 57 ученици побарале преместување, додека во средните училишта побарале 17 ученици, односно 74 ученици, за разлика од минатата година кога имавме бројка од 130 ученици кои побараа преместување меѓу двете полугодија добиле емиграциски документи и заминале во западните земји, изјави Назми Даути, образовен сектор општина Тетово.
Во училиштата во Тетово и Гостивар, само за првото полугодие од учебната 2023/2024 година, над 350 ученици побарале дозвола за иселување, покажуваат податоците од образовните сектори во двете општини. Тетовската висорамнина е најпогодена од појавата, бидејќи многу семејства се селат во градот.
ИЗВОР: ТВ 21
