Убиени се 122 Палестинци во израелските напади на Газа во последните 24 часа

ИСТАНБУЛ (АА) – Израел уби 33.482 Палестинци во нападите на Појасот Газа од 7 октомври минатата година досега, известува Анадолу.

Министерството за здравство во Газа објави податоци за нападите што Израел ги изведува врз Појасот Газа веќе 187 дена.

Последните 24 часа во израелските напади се убиени уште 122 Палестинци, а ранети се 56.

Бројката на убиени Палестинци се зголеми на 33.482, вклучувајќи најмалку 14.280 деца и 9.340 жени, а повеќе од 76.049 се повредени во услови на масовно уништување и недостаток на неопходни средства за опстанок.

Министерството на палестинската енклава информираше дека под урнатините и покрај патиштата има уште мртви, но поради препреките на израелските војници, медицинските тимови и припадниците на цивилната заштита не можат да дојдат до телата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.