ГАЗА (АА) – Бројот на убиени Палестинци во нападите на израелската Армија врз Појасот Газа од 7 октомври 2023 година се искачи на 40.139, јавува Анадолу.
Во соопштението на Министерството за здравство во Газа се објавени информации за израелските напади врз Газа во изминатите 318 дена.
Како што се наведува, израелската Армија извршила три масакри во различни делови на Газа во последните 24 часа, при што убила уште 40, а ранила 134 Палестинци.
Бројот на убиени во израелските напади врз Појасот Газа од 7 октомври достигна 40.139, а на повредени 92.743.
Во соопштението исто така се наведува дека сѐ уште има мртви под урнатините и на патот, но медицинските екипи и службениците за цивилна заштита не можат да стигнат до нивните тела поради пречките на израелските сили.
Израел, прекршувајќи ја резолуцијата на Советот за безбедност на Обединетите нации со која се бара итен прекин на огнот, се соочи со меѓународна осуда поради неговата континуирана брутална офанзива врз Газа од 7 октомври.
Повеќе од 10 месеци од почетокот на израелската војна, огромни делови од Газа се во урнатини, каде што постои блокада на храна, чиста вода и лекови.
Израел е обвинет за геноцид пред Меѓународниот суд на правдата (МСП), кој му нареди веднаш да ја прекине својата воена операција во јужниот град Рафа, каде што повеќе од еден милион Палестинци побараа засолниште од војната пред да започне копнената офанзива врз градот на 6 мај.
Извор: Anadolu Agency (AA)
