Македонската полиција денеска го уапси Раде Трајковски-Штекли по Наредба на Основно јавно обвинителство за гонење на организиран криминал и корупција, информираат од МВР.
Од Министерството за внатрешни работи ја потврдија информацијата за апсењето на Штекли. Тој се сомничи за трговија со дрога. Предводел група од над десетина члена кои се занимавале со продажба на наркотични средства. МВР и Бирото за јавна безбедност се во потрага и апсење на целата негова група.
Во 2024-та година имаше три обиди за убиство на Раде Трајковски – Штекли во скопскиот трговски центар „Ист Гејт“ и неговата семејна куќа, кој според дел од медиумите се смета за близок до картелот „Беланоца“. Пред два месеци се случи експлозија во домот на Штекли во Ќерамидница, кога тој беше полесно повреден, а тоа беше трет пат тој да биде мета на напад.
Пред повеќе од една година Трајковски беше нападнат во „Ист гејт“ и беше сериозно повреден, а рането беше уште едно лице, пријател на Штекли. Во нив пукаше лице со бел дуксер и бејзбол капа кого го имаа снимено безбедносните камери на трговскиот центар. Лицето седеше во обложувалница, а потоа се упати до елеваторот и пукаше кон двајцата додека се симнуваа.
Два месеца претходно Штекли исто беше мета на напад во гаражата ан „Ист гејт“, но тогаш остана неповреден делумно и поради тоа што се возел во блиндирано возило.
Извор: 24vesti.mk
