Турско Министерство за одбрана: Во северна Сирија неутрализирани 17 терористи на ПКК/ЈПГ

ИСТАНБУЛ (АА) – Турските сили неутрализираа 17 терористи на ПКК/ЈПГ во северна Сирија, во близина на границата со Туркије, соопшти денес турското Министерство за одбрана, јавува Анадолу.

„Нашите херојски Турски вооружени сили неутрализираа 17 терористи на ПКК/ЈПГ откриени во подрачјата на операциите ‘Штитот на Еуфрат’ и ‘Извор на мирот’, и во Мунбич во северна Сирија. Ќе продолжиме со изненадни, неконвенционални, брзи и континуирани операции за уништување на тероризмот во неговиот извор“, се нагласува во соопштението на Министерството.

Во својата 40-годишна терористичка кампања против Туркије, ПКК, којашто е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, меѓу кои и жени и деца. ЈПГ е сириски огранок на ПКК.

Од 2016 година, Анкара започна три успешни антитерористички операции преку своите граници во северна Сирија со цел да спречи формирање на терористички коридор и да овозможи мирно враќање на жителите: „Штитот на Еуфрат“ (2016), „Маслинова гранка“ (2018) и „Извор на мирот“ (2019).

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.