АНКАРА (АА) – Министерот за внатрешни работи на Република Туркије, Али Јерликаја, соопшти дека турската полиција во рамките на акцијата „Крт – 3“ привела осуммина осомничени за кои е утврдено дека им дале информации на израелските разузнавачки елементи и дека на двајца од нив веќе им е одреден притвор, јавува Анадолу.
Јерликаја на социјалните мрежи изјави дека работата за сузбивање на шпионските активности ја спроведува Дирекцијата за борба против тероризам на полициската управа во Истанбул, под координација на главниот јавен обвинител на Истанбул, Турската разузнавачка служба (МИТ) и Генералниот директорат на безбедност.
Јерликаја наведе дека е откриено дека некои осомничени имале состаноци со израелските разузнавачки елементи и им ги пренеле информациите што ги собрале за луѓе и компании во Туркије.
Најавено е дека двајца од приведените се задржани во притвор, а за останатите шестмина осомничени се издадени судски мерки.
„Никогаш нема да дозволиме шпионски активности кои се вршат против нашето национално единство и солидарност во границите на нашата земја“, рече Јерликаја.
Извор: Anadolu Agency (AA)
