Турските сили неутрализираа 9 терористи на ПКК/ЈПГ во северна Сирија

Турските безбедносни сили неутрализираа девет терористи на терористичката организација ПКК/ЈПГ во северна Сирија, пренесува Анадолу.

Информацијата преку соопштение објавено на социјалната платформа X ја потврди турското Министерство за национална одбрана.

„Ова се случи кога 12 терористи се обидоа да се инфилтрираат во зоната каде беше реализирана операцијата „Извор на мирот“, соопшти Министерството.

„Синоќа, терористите кои се подготвуваа за напад и се обидоа да се инфилтрираат во зоната каде беше реализирана операцијата Извор на мирот, беа интервенирани, и девет терористи на ПКК/ЈПГ се неутрализирани“, се додава во соопштението.

Турските власти го користат терминот „неутрализирање“ за да имплицираат дека терористите се предале или биле убиени или заробени.

Од 2016 година, Анкара започна три успешни антитерористички операции преку својата граница во северна Сирија за да спречи формирање на терористички коридор и да овозможи мирно населување на жителите: Штитот на Еуфрат (2016), Маслинова гранка (2018) и Извор на мирот (2019).

Во својата повеќе од 35-годишна терористичка кампања против Туркије, ПКК, која се наоѓа на листата на терористички организации на Туркије, САД и ЕУ, е одговорна за смртта на повеќе од 40.000 луѓе, вклучувајќи жени деца и бебиња.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.