Турските сили неутрализираа 12 терористи на ПКК во северен Ирак

АНКАРА (АА) – Турските безбедносни сили неутрализираа 12 терористи на ПКК во северен Ирак, соопшти денес турското Министерство за национална одбрана, пренесува Анадолу.

Терористите беа цел на воздушна операција во регионите Гара и Хакурк, соопшти Министерството преку Х, и додаде: „Ќе продолжиме со континуирани операции додека не го истребиме и последниот терорист во регионот“.

ПКК е позната по тоа што го користи северен Ирак, во близина на турската граница, како засолниште за планирање терористички напади врз Туркије.

Во својата речиси 40-годишна терористичка кампања против Туркије, ПКК, којашто е ставена на листата терористички организации од страна на Туркије, САД и ЕУ, е одговорна за смртта на над 40.000 луѓе, меѓу кои и деца и жени.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.