ИСТАНБУЛ (АА) – Турскиот претседател Реџеп Таип Ердоган изрази сочувство по повод смртта на папата Франциск, изразувајќи длабока тага, јавува Анадолу.
„Со длабока тага дознав за смртта на папата Франциск, духовниот лидер на католичкиот свет и шефот на државата Ватикан“, истакна Ердоган преку платформата Х.
Поздравувајќи ги напорите на папата Франциск во однос на геноцидот во Газа и за палестинското прашање, Ердоган нагласи: „Папата Франциск беше истакнат државник и духовен лидер кој го ценеше дијалогот меѓу различните верски заедници. Тој преземаше иницијатива против хуманитарните трагедии, особено за палестинското прашање и геноцидот во Газа“.
Турскиот претседател упати сочувство од свое и од име на турскиот народ до семејството на папата, државата Ватикан и католичкиот свет.
Папата Франциск беше примен во болница во Рим во февруари со бронхитис, кој прерасна во билатерална пневмонија. Тој беше отпуштен по 38 дена за да продолжи со опоравување во неговата резиденција во Ватикан. Ватикан ја објави неговата смрт денес.
Извор: Anadolu Agency (AA)
