ИСТАНБУЛ (АА) – Туркије во новиот период ќе започне големи чекори со Сирија во однос на трговијата, инвестициите и обновата на земјата, изјави турскиот министер за трговија Омер Болат, јавува Анадолу.
Говорејќи денес на состанокот на Заседанието на извозници на Туркије, Болат потсети дека трговијата на Туркије со Сирија во 2011 година изнесуваше 1,8 милијарди долари во извоз и 660 милиони долари во увоз.
Статистиката на трговијата помеѓу Туркије и Сирија во 2024 година е реализиран извоз од 2,2 милијарди долари и увоз од 438 милиони долари, зголемувајќи се повеќе во извозот од Туркије во Сирија.
Тој додаде дека: „Договорот за слободна трговија на Туркије со Сирија беше потпишан и одобрен во 2007 година, но беше суспендиран откако започна граѓанската војна во Сирија во 2011 година.“
„Во новиот период, во соработка со сириските власти ги завршуваме подготовките и за Договорот за слободна трговија и за царинските режими. Ќе се обидеме да ги максимизираме нашите трговски и инвестициски релации до момент да имаме една силна Сирија“.
Болат, осврнувајќи се на подготовките за проширување на Договорот за слободна трговија со Палестина, нагласи: „Завршивме со преговорите за проширување на Договорот за слободна трговија со Палестина“, и додаде:
„Во рамките на Договорот за слободна трговија со Палестина обезбедивме концесија за 41 земјоделски производ, и ја зголемивме квотата за урми од 1.000 тони на 3.000 тони, потоа на 4.000 тони и на крајот на 7.000 тони.“
Извор: Anadolu Agency (AA)
