Турскиот министер Чавушоглу остро ја осуди рацијата на израелската полиција во џамијата „Ал Акса“

April 5, 2023
1 min read

ИСТАНБУЛ (АА) – Турскиот министер за надворешни работи, Мевлут Чавушоглу, денес остро ја осуди рацијата на израелската полиција во џамијата „Ал Акса“ во окупираниот Источен Ерусалим (Источен Кудс), јавува Анадолу.

Пред новинарите во Брисел, по состанокот на министрите за надворешни работи на НАТО, Чавушоглу изјави дека Израел ја нарушил светоста на комплексот за време на светиот муслимански месец Рамазан и „презеде чекор што ќе го наруши неговиот историски статус“.

Денес израелската полиција соопшти дека привела 350 Палестинци од комплексот на џамијата „Ал Акса“, а очевидци велат дека полицијата употребила прекумерна сила, вклучително и солзавец.

Израел го окупира Источен Ерусалим за време на Арапско-израелската војна во 1967 година. Го анектира целиот град во 1980 година, потег што никогаш не беше прифатен од меѓународната заедница.

„Ги предупредивме да спречат такви провокации, особено во текот на Рамазан“, за време на посетата на израелскиот министер за надворешни работи, Ели Коен, на Туркије по земјотресите на 6 февруари и неговата средба со турскиот претседател Реџеп Таип Ердоган, нагласи Чавушоглу.

„Израел треба веднаш да ги прекине ваквите напади“, истакна турскиот министер.

Потсетувајќи дека процесот на дијалог со Израел е рестартиран, Чавушоглу рече: „Но нашиот ангажман со Израел секако не може да се случува на сметка на палестинската кауза“ и додаде: „Во тој поглед, ние никогаш не правиме компромис за нашите принципи или нашите верувања.“

По земјотресите, Израел беше една од првите земји што прати помош за Туркије.

– Министерот за надворешни работи на Египет ќе ја посети Туркије –

Турскиот министер Чавушоглу изјави дека начелно се согласил да се сретне со неговиот египетски колега Салих Шукри во Туркије за време на месецот Рамазан, кој завршува кон крајот на април.

Минатиот месец Чавушоглу и Шукри разговараа телефонски за да ја закажат неговата посета на Туркије.

Двајцата, исто така, си упатија најдобри желби за почетокот на Рамазан, соопштија турски дипломатски извори.

Претходно минатиот месец Чавушоглу и Шукри се состанаа во египетскиот главен град Каиро, каде што разговараа за билатералните односи и регионалните и меѓународните прашања и се согласија да ги максимизираат дипломатските односи.

Дипломатските односи помеѓу Туркије и Египет се на ниво на вршители на должноста и од двете страни по воениот удар во Египет во 2013 година, со кој беше соборен тогашниот претседател Мухамед Морси.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Имаме и македонски модел за уставни измени, рече Ковачевски за тоа дали е прифатлив хрватскиот пример

Следно

Поранешниот италијански премиер Берлускони хоспитализиран на интензивна нега во Милано

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop