Турски МИТ неутрализираше терорист на ПКК во Северен Ирак

АНКАРА (АА) – Турската разузнавачка служба МИТ го неутрализираше раководителот на терористичката организација ПКК во Северен Ирак, наведоа безбедносни извори, пренесува Анадолу.

МИТ го неутрализираше Ислам Џеханфер, еден од лидерите на терористичката организација ПКК, во руралниот предел на Пенџавин, во ирачкиот град Сулејманија, оддалечен 200 километри од турската граница.

Разузнавачите ги следеле активностите на терористот со кодно име Бехрудан Келхор, познат како лидер на баталјон на ЈПГ, сириски огранок на терористичката ПКК.

Џеханфер, кој бил надлежен за членовите на ПКК и нејзините ограноци за време на својот престој во Сирија, овозможил лекување на повредените припадници на терористичката организација, наводно бил активен во Ирак и во Сирија.

Турските власти го користат изразот „неутрализиран“ за да имплицираат дека терористите за кои станува збор им се предале на безбедносните сили, убиени се или заробени.

Туркије од 2020 година започна низа операции против ПКК во Северен Ирак, а последна е операцијата „Канџа-катанец“ што започна во април 2022 година. Оваа операција како цел ги има засолништата на терористите на ПКК во северните подрачја на Ирак, особено во подрачјето на Метина, Запа и Авашин-Басјан.

Претходно Туркије ги спроведе операциите „Канџа-тигар“ и Канџа-орел“ во 2020 година за да се обезбеди сигурноста на турскиот народ и на нејзината граница, неутрализирајќи ја заканата од ПКК и другите терористички групи што го користат северот на Ирак за планирање прекугранични напади.

Во својата над 35-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, вклучително жени, деца и стари лица.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).