Турски МИТ ја сподели снимката од неутрализирањето на терористката на ПКК, Рожда Билен

АНКАРА (АА) – Турската разузнавачка служба (МИТ) сподели снимка од моментите на акцијата во Ирак во која е неутрализирана Рожда Билен, една од таканаречените водачи на терористичката организација ПКК/КЏК, јавува Анадолу.

На снимките добиени од безбедносни извори може да се види белиот пикап во кој се наоѓала Билен, со кодно име Бисенг Бруск, во околината на ирачкиот град Сулејманије.

Возилото е погодено во напад на вооружено беспилотно летало, а терористката Билен е неутрализирана.

Билен, која ѝ се приклучила на организацијата во 2011 година, пред Кривичниот суд во Ескишехир беше обвинета за кривично дело „членство во вооружена терористичка организација“ и се наоѓаше на „сината“ листа на терористи со потерница од турското Министерство за внатрешни работи.

ПКК е сепаратистичка организација што е ставена на листата на терористички организации од страна на Туркије, Европската Унија и Соединетите Американски Држави. За време на повеќедецениската терористичка кампања против Туркије, терористите на ПКК се одговорни за смртта на најмалку 40.000 луѓе.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.