КАХРАМАНМАРАШ (АА) – Снимките од воздух направени во Кахраманмараш, епицентарот на земјотресот во Туркије, на фреквентните улици во градот пред и по катастрофата, го открија размерот на разорувањето, јавува Анадолу.
Многу згради се уништени во окрузите Дулкадироглу и Оникишубат, кои најмногу се погодени од земјотресите.
Земјотресите во Кахраманмараш, во кои загинаа илјадници луѓе, уништија висококатници, особено на две важни градски улици, Азербејџанскиот и Трабзонскиот булевар.
Сазибеј, каде што се наоѓа стадионот, стана една од населбите кои ги почувствуваа разорните последици од земјотресот.
Зградите околу стадионот се претворија во урнатини.
И минарето на Џамијата „Улу“, која се наоѓа во близина на Плоштадот „Ататурк“, се урна во силниот земјотрес.
Најмалку 36.187 луѓе загинаа во двата силни земјотреси што ја потресоа јужна Туркије на 6 февруари.
Земјотреси со јачина од 7,7 и 7,6 степени според Рихтеровата скала, со епицентар во областа Кахраманмараш, погодија 11 области населени со над 13 милиони луѓе и уништувајќи илјадници згради.
Во моментов на терен работат повеќе од 253.000 члена на тимовите за пребарување и спасување. Вкупно 216.347 лица се евакуирани од регионите во Туркије погодени од земјотресот.
Извор: www.aa.com.tr
