ИЗМИР (АА) – Турскиот министер за земјоделство и шумарство, Ибрахим Јумакли, соопшти дека шумските пожари на планината Јаманлар во Измир, Урла и Болу се ставени под контрола, јавува Анадолу.
Јумакли за новинарите од округот Каршијака во Измир изјави дека денес има добри вести. Тој потсети дека од вчера се гасат осум пожари.
„Нема опасност на Јаманлар во Каршијака, Измир, каде што се наоѓаме во моментов, во однос на делницата што оди кон градот. Нашите пријатели ставија делови од пожарот под контрола. Продолжуваме со операциите за разладување“, рече Јумакли.
Тој наведе дека пожарот во Болу се случил на големо и широко подрачје со стрмен терен и карпи. Јумакли нагласи дека пожарникарите имале тешка борба.
„За среќа, ве известувам дека ова место сега е под контрола. Овде ќе се продолжи со разладувањето“, информираше турскиот министер.
Тој се осврна и на пожарот во Урла, во Измир и изјави дека некои населени места се евакуирани. Јумакли посочи дека нема предизвикана штета на куќите, ниту загуба на животи или повредени.
Извор: Anadolu Agency (AA)
