ИСТАНБУЛ (АА) – Туркије го поздрави чекорот на Катар и на Обединетите Арапски Емирати (ОАЕ) за заемно повторно отворање на амбасадите по долгогодишниот дипломатски спор, пренесува Анадолу.
„Ние срдечно ја поздравуваме одлуката на Катар и на Обединетите Арапски Емирати за повторно отворање на меѓусебните мисии по долг период“, се вели во соопштението на турското Министерство за надворешни работи.
„Веруваме дека овој чекор значително ќе придонесе за мирот и стабилноста на нашиот регион“, се додава во ова соопштение.
Катар и ОАЕ се согласија да ги обноват своите дипломатски претставништва и повторно да ги отворат амбасадите од понеделник.
Во заедничкото соопштение двата соседа соопштија дека катарската Амбасада во Абу Даби, Конзулатот во Дубаи и Амбасадата на ОАЕ во Доха ќе продолжат со работа од 19 јуни.
ОАЕ, заедно со Саудиска Арабија, Бахреин и Египет, ги прекинаа дипломатските односи со Катар во 2017 година. Но во 2021 година четирите земји потпишаа договор за помирување со Доха.
Извор: www.aa.com.tr
